Íris Ösp er grafískur hönnuður og ljósmyndari með BA gráðu í hönnun og ljósmyndun frá Accademia Italiana í Flórens. Íris hefur víðtæka reynslu á sviði hönnunar, m.a. af mörkun fyrirtækja og einstaklinga, hönnun og umbroti tímarita og bæklinga, ljósmyndavinnslu, umbúðahönnun og myndlýsingum.
Hún hefur haldið þrjár einkasýningar á ljósmyndaröð sinni Hringir:
Fyrsti hlutinn, Hraun og mosi, var sett upp í Norræna húsinu vorið 2019, en þá var Íris búin að mynda hringi síðan 2016. Annar hluti, Fjaran, var svo sýndur í Gallerí Gróttu vorið 2020. Í apríl á þessu ári var sett upp einkasýning í Jónshúsi í Kaupmannahöfn á fjórum fyrstu seríum Írisar ásamt því að halda útgáfuhóf á ljósmynda- og ljóðabókinni Hringir - Circles sem er safn úr fjórum seríum settar saman á nýstárlegan máta.
Hvernig byrjaði þetta?
Ég var stödd í ljósmyndaverkefni á Snæfellsnesi. Í einni pásunni tók ég eftir dálitlu merkilegu...
Ég settist niður í mosaþakta hraunbreiðu og fór að skoða munstrið í náttúrunni..
Áður en ég vissi af var ég dáleidd af áferðinni, litunum og andstæðunum í hrauni og mosa.
Þá fór af stað lítið ævintýri þar sem ég fór að safna myndum af mynstrum úr náttúru Íslands.
Í framhaldi af myndunum fór ég að búa til ljóð þar sem ég tengi saman móðureðlið við móður náttúru.
Sýningar
Norræna húsið
HRAUN OG MOSI
Fyrsta serían „Hraun og mosi“ var sett að hluta til upp í MATR, Norræna húsinu á Hönnunarmars vorið 2019 og stóð sýningin á endanum yfir í rúmt ár. Myndirnar töluðu afar skemmtilega við umhverfið í kringum Norræna húsið.
Íris Ösp með dóttur sinni Söru Lind
Gallerí Grótta
FJARAN
Í október 2020 höfðum við ekki tækifæri til að fara á margar listasýningar vegna Covid. Það voru því örfáir dagar þar sem hægt var að fara á sýninguna sjálfa og finna ilminn af sjávarþangi og hlusta á sjávarnið..
Ég ákvað í samstarfi við gallerí gróttu á seltjarnanesi að gera sýninguna Hringir vol.2 stafræna
Þari í sýningarsal Gallerí Gróttu
Jónshús - Köben
ÚTGÁFUHÓF
Í apríl 2022 var sett upp sýning ásamt útgáfuhófi á ljósmynda- og ljóðabókinni Hringir - Circles sem er samansafn á fyrstu fjórum seríum Hringja. Sýningin fór fram í Jónshúsi, Kaupmannahöfn. Á sýningunni voru myndir úr öllum seríunum ásamt því að hægt var að nálgast bókina nýprentaða.
Hugað að uppsetningu í Jónshúsi, Kaupmannahöfn
"Ef þú gerir það sem þú elskar, þá mætir þú í raun ekki í vinnuna einn einasta dag. -Þetta var setning sem ég tileinkaði mér þegar ég var yngri, núna með mikilli skuldbindingu og góðum stuðningi, hefur það orðið minn raunveruleiki."
Íris er félagi í FÍT, félagi íslenskra teiknara og situr í stjórn félagsins.
Einnig er Íris í stjórn Grapíku Íslandicu, nýju félagi kvenna í hönnun á Íslandi.
instagram:
hringir.circles
reykjavik underground